حياتى...... محطه قطار

محطـــــــــــــ حياتي ــــــــــــــــــت
انتظار القطار !!

المحطة الاولى :
بنزل بلاقي ناس كتير مستنياني وخدودهم مرسوم عليها بسمه جميله
باين عليهم اني وحشتهم اوي
بنزل وباخد الناس دي بالاحضان وبابتسامه من القلب
بعيش معاهم سنين وانا فكرتي عنهم جميله انهم طيبين
فجاه بلاقي كل ده اتحول والبسمه بتاعتهم بتتحول
وبكتشف كدبهم
طلعو مجرد ناس بتاخد مصلحتها مني وبس علشان كده قابلوني بالابتسامه الحلوه دي
بحضر شنطة سفري وبتكون مليانه جراح وبشيلها وبروح عند القطر اركبه واسافر واروح المحطه التانيه

المحطه التانيه :
بنزل بلاقي مجموعه من اصحابي بفرح اوي وبستقبلهم بكل سرور
وبقول يااااه بعد ما اتجرحت من ناس في المحطه الاولى ربنا بعتلي الي يفرحني
وبعيش معاهم سنين هما بيحبوني وانا بحبهم دول عشرة سنين
بكتشف بعد كده انهم مش اصحابي دول مجرد وحوش على صورة اصدقاء
بكتشف كرههم ليا من غير ما احسسهم اني عرفت
عايشين معايا وخططهم انهم يدمروني ويحولوني لوحش زيهم
خفت منهم اوي واتصدمت وبليل وهما نايمين باخد شنطة سفري وبتكون مليانه جرح الناس
وجرح الاصحاب وصدمتي وبقرر اروح المحطه اركب القطر

المحطه التاته :
بنزل بلاقي شاب وسيم ضحكته جميله عيونه بتسحر
واقف في المحطه وبيبصلي وجاي عليا بكون مرتبكه اوي ومش عارفه اعمل ايه
بيسلم عليا وبسلم عليه بنتعرف على بعض وبعدها بنقع في الحب
بنعيش مع بعض اجمل سنين الحب والغرام
بعدها بكتشف ان في واحده غيري نزلت نفس المحطه وراح قابلها وحبها
بكتشف اني مش اول ولا اخر واحده يحبها
بتجرح وبتكسر وقلبي بيموت من جرح ناس وصدمتي في اصحابي وكسرة قلبي في حبيبي
بقرر السفر ......... وبجهز شنطه سفري وهيا مليانه جرح وصدمه وكسرة قلب

المحطه الرابعه :
بنزل بلاقي مفيش حد مستنيني على قد ما كنت حزينه اني ملقتش حد مستنيني وهعيش لوحدي
بس كنت فرحانه ان محدش هيكسر فيا تاني وكفايه الي كسروني قبل كده
بقرر اعيش لوحدي في المحطه دي واشتري كل انواع الدوا الي ممكن تداوي جرحي
جرحي من الناس قدرت الادويه تداويه
جرحي من اصحابي قدرت الادويه تداويه
لكن جرحي من حبيبي مكنش مجرد جرح وبس اتفاجئت ان قلبي مقدرش يعيش بالجرح ده
وملقتش أي دوا ممكن يداويه دواه كان الموت
وقلبي مات !!!!!!!
عشت عاجزه جسد بلا روح
وبقرر السفر لاخر محطه والاستقرار فيها

المحطه الاخيرة :
بنزل بلاقي شخص واقف منتظرني ويعرفني
وعارف جرحي
وبيحاول يقرب مني ويحبني وانا برفض بشده لان قلبي مات قبل كده
يبقى لو اتجرحت اتني ايه الي هيحصل ؟؟
وللاسف مبقاش عندي قلب احب بيه
برفض الحب ده وبجرح انسان واول مره اجرح حد
بيبعد عني الانسان ده نهائيا
وبكتشف بعد كده انه كان ملاك نازل من السما
وكان حب حقيقي وانا ضيعته لاني مبقتش بثق في حد من كتير الي حصلي
بيقتلني الندم
جرحت انسان حبني بجد وهو ده كان حبيبي الي سافرت بين محطات كتير علشان الاقيه
انسان معاه مفتاح سعادتي
بدور عليه لكن للاسف مش بلاقيه
وللاسف دي اخر محطه موجوده في حياتي ومفيش أي محطه تاني ممكن اروحها علشان ادور عليه او الاقيه
وبكده بنتهي تماما وبنام على فراش مستعده للموت نهائيا .

موضوع روعه جدا جدا والصراحه تنظيم أروع واروع

مشرف عدد الرسائل : 10 تاريخ التسجيل : 30/01/2009

سلمت يداك الموضوع جميل جدًا وبالفعل المحطات للاسف موجودة ومازالت مستمرة والله يعين ركاب الرحلة اللي فيها Crying or Very sad